News Updates

 ദാവീദ് രാജാവ് തൻ്റെ ജീവിതത്തിൽ ശീലമാക്കിയ ഒരു കാര്യം, ഈ വചനഭാഗത്തും ആവർത്തിച്ച് പറയുന്നുണ്ട് (സങ്കീ. 109: 30 “ഞാൻ എൻ്റെ വായ്കൊണ്ടു യഹോവയെ അത്യന്തം സ്തുതിക്കും; അതേ, ഞാൻ പുരുഷാരത്തിൻ്റെ നടുവിൽ അവനെ പുകഴ്ത്തും.”)      ജീവിതത്തിൻ്റെ എല്ലാ നാളുകളിലും കർത്താവിനെ വാഴ്ത്തി സ്തുതിച്ചുകൊണ്ടിരുന്നാൽ മതി, അപ്പോൾ അവിടുന്ന് നമ്മുടെ വലത്തുഭാഗത്തു നിന്നുകൊണ്ട് ..വിധിക്കുന്നവരുടെ കയ്യിൽനിന്നും നമ്മെ രക്ഷിക്കും. ➤

ദൈവസഭയ്ക്കുവേണ്ടി എരിവോടെ നിൽക്കുന്നതും, സുവിശേഷവേലക്കാരായി ദൈവരാജ്യത്തിൻ്റെ കെട്ടുപണിക്കാരാകുന്നതും, നശിച്ചുപോകുന്ന ആത്മാക്കൾക്കുവേണ്ടിയും ദേശത്തിൻ്റെ സമാധാനത്തിനുവേണ്ടിയും പ്രാർത്ഥിക്കുന്നതും, ദൈവപ്രവർത്തികൾക്കുവേണ്ടി കൈത്താങ്ങൾ നൽകുന്നതും ഒക്കെ ഒരു ഭാഗ്യമാണ്. സ്വർഗ്ഗരാജ്യത്തിൽ നിക്ഷേപിക്കുന്ന നിക്ഷേപങ്ങളാണ് അവ. ഇന്ന് സമയവും സാഹചര്യങ്ങളും, ദൈവം ദാനമായിതന്ന നന്മകളെല്ലാം ഉണ്ടായിട്ടും അവയൊന്നും സുവിശേഷത്തിനുവേണ്ടി പ്രയോജനപ്പെടുത്താതെ, ഒരു ദിവസം ആ വാതിലുകളെല്ലാം കൊട്ടിയടയപ്പെടുമ്പോൾ, എന്തു പ്രയോജനം ? ➤

തന്നെ ആക്രമിക്കാൻ വന്നവരെ നേരിട്ടപ്പോഴല്ല, അടുത്തുള്ളവരുമായി യുദ്ധത്തിനുപോയ നെഖോയുടെനേരെ, ദൈവത്തോട് ആലോചന ചോദിക്കാതെ ചാടിപുറപ്പെട്ടതുകൊണ്ടാണ് അവൻ അമ്പേറ്റ് മരിച്ചത്. വഴിയേപോയ വയ്യാവേലി ചാടിപിടിച്ച് പണിമേടിച്ചു. യോശീയാവ് വഴക്കിന് വരുന്നതുകണ്ടപ്പോൾ നെഖോ അവനോട് അപേക്ഷിച്ചു പറഞ്ഞതാ; ദയവായി മടങ്ങിപ്പോ, ഞാനും നീയുമായി ഒരു വഴക്കുമില്ല, എനിക്കു നിന്നോട് യുദ്ധം ചെയ്യേണ്ട. ആരു കേൾക്കാൻ ? ➤

ദാവീദിന് ദൈവാലയത്തെക്കുറിച്ചുള്ള സ്നേഹവും കരുതലും ഭയഭക്തിയും വെളിപ്പെടുത്തുന്ന നിരവധി വാക്യങ്ങൾ ഇനിയും ദാവീദിൻ്റെ സങ്കീർത്തനങ്ങളിൽനിന്നുമാത്രം എഴുതുവാൻ കഴിയും, ദാവീദിൻ്റെ ഈ വഴികളിലാണ് യോശീയാരാജാവും നടന്നത്. അതുകണ്ട സ്വർഗ്ഗത്തിലെ ദൈവം യോശീയാവിൽ പ്രസാദിച്ചു. യൗവ്വനക്കാരായ / ഇന്നത്തെ തലമുറയ്ക്ക് ദൈവാലയത്തോട്, ദൈവീക വിഷയങ്ങളിൽ ഈ എരിവുണ്ടോ ? അവരുടെ മാതാപിതാക്കളിൽനിന്ന് അവർക്കത് പകർന്നുകിട്ടുന്നുണ്ടോ ? എന്ന് ആത്മാർത്ഥമായി ചിന്തിക്കേണ്ടിയിരിക്കുന്നു. ➤

ഒരു മുഷ്യശരീരത്തിൽ ഉള്ള രക്തത്തിൻ്റെ അളവ് ഏകദേശം 6 ലിറ്ററാണ് എന്ന് കണക്കാക്കപ്പെടുന്നു. ഒലിവ് മലയിൽവെച്ച് യേശുകർത്താവ് പ്രാർത്ഥിച്ചപ്പോൾ ലൂക്കൊ. 22:44 വിയർപ്പുതുള്ളിപോലെ ഒഴുകുവാനാരംഭിച്ച നാഥൻ്റെ ശരീരത്തിലെ, അവസാനതുള്ളി രക്തം, യോഹ. 19:34 ൽ ഒഴുകിതീർന്ന് ഇനിയും ഒരുതുള്ളിപോലും ആ ശരീരത്തിൽ അവശേഷിക്കുന്നില്ല എന്നതിൻ്റെ അടയാളമായി വെള്ളവും ഒഴുകിവന്നു. വേല്യപുസ്തകം 17:11 ൽ വായിക്കുന്നതുപോലെയും വൈദ്യശാസ്ത്രം സാക്ഷ്യപ്പെടുത്തുന്നതും ജീവൻ രക്തത്തിലാണല്ലോ ഇരിക്കുന്നത്; അതായത്, അവസാനതുള്ളി രക്തവും നമുക്കുവേണ്ടി ഊറ്റിതന്ന യേശുനാൻ അവിടുത്തെ ജീവൻതന്നെ നമുക്കുവേണ്ടി യാഗമായി അർപ്പിക്കുകയായിരുന്നു. സ്തോത്രം. ➤