News Updates
മന്ത്രവാദി പൊള്ളലേൽപ്പിച്ചതിനെത്തുടർന്ന് 3 മാസം പ്രായമുള്ള പെൺകുഞ്ഞിന് ദാരുണാന്ത്യം.
ഷാഡോൾ, (മദ്ധ്യപ്രദേശ്): അന്ധവിശ്വാസങ്ങളും, മന്ത്രവാദികളും കൊടികുത്തിവാഴുന്ന മദ്ധ്യപ്രദേശിലെ ആദിവാസി ഗ്രാമങ്ങളിൽ നിന്നാണ് ഈ വാർത്ത വരുന്നത്. കടുത്ത പനിയെത്തുടർന്ന് ക്ഷീണിതയായ പെൺകുഞ്ഞിനെ ആശുപത്രിയിൽ കൊണ്ടുപോകേണ്ടതിനു പകരം, ഗ്രാമത്തിലെ മന്ത്രവാദിനിയുടെ അടുക്കൽ എത്തിക്കുകയും, അവർ ചൂടാക്കിയ ഇരുമ്പുവടികൊണ്ട് 51 തവണ പൊള്ളിക്കുകയും ചെയ്തു. കുഞ്ഞിന്റെ നില കൂടുതൽ വഷളായതിനെ തുടർന്ന്, ഷാഡോൾ മെഡിക്കൽ കോളജിൽ എത്തിച്ചെങ്കിലും, ന്യുമോണിയ ബാധയെത്തുടർന്ന് കുഞ്ഞിന് ജീവൻ നഷ്ടപ്പെടുകയാണ് ഉണ്ടായത്.
ഇതേ രീതിയിലുള്ള മന്ത്രവാദത്തെത്തുടർന്ന് 3 മാസം പ്രായമുള്ള മറ്റൊരു പെൺകുഞ്ഞും അവിടെ ചികിത്സയിലാണ് എന്ന മറ്റൊരു റിപ്പോർട്ടും വരുന്നുണ്ട്.
ഇതുപോലെയുള്ള അന്ധവിശ്വാസങ്ങൾ ഭരിക്കുന്ന ഇവിടെയുള്ള ആദിവാസി ഗ്രാമങ്ങളെ ഓർത്ത് ദൈവജനം പ്രാർത്ഥിച്ചാലും.
