കയ്യിൽനിന്നു രക്ഷിപ്പാൻ കർത്താവ് നമ്മുടെ വലത്തുഭാഗത്തുണ്ട്

    സങ്കീർ. 109:31 “അവൻ എളിയവനെ ശിക്ഷെക്കു വിധിക്കുന്നവരുടെ *കയ്യിൽനിന്നു രക്ഷിപ്പാൻ അവൻ്റെ വലത്തുഭാഗത്തു നില്ക്കുന്നു* ”( for He stands at the right hand of the needy one, to deliver him from his accusers / who threaten his life/who judge his soul/who condemn his soul to death)

      ഇല്ലാത്ത കുറ്റം ആരോപിച്ച്, ചെയ്യാത്തകാര്യം തലയിൽവെച്ചുകെട്ടി,.. നശിപ്പിച്ചുകളയണം / മുടിച്ചുകളയണം.. എന്ന ലക്ഷ്യത്തോടുകൂടെ കരുക്കൾ നീക്കുന്നവരുടെ കയ്യിൽനിന്ന്, ദൈവമക്കളെ രക്ഷിപ്പാൻ കർത്താവ് അവരുടെ വലത്തുഭാഗത്ത് നിൽക്കുന്നുണ്ട് എന്നാണ് ദാവീദ് തൻ്റെ ജീവിതാനുഭങ്ങളിൽനിന്ന് ഈ സങ്കീർത്തനത്തിൽ രേഖപ്പെടുത്തിയിരിക്കുന്നത്.

      കഴിഞ്ഞ ദിവസങ്ങളിലൊക്കെ വാർത്തകളിൽ നിറഞ്ഞുനിന്ന ചില സംഭവങ്ങൾ നമുക്കറിയാമല്ലോ, ലോൺആപ്പുകളിൽനിന്നും, കൊള്ളപ്പലിശക്കാരുടെ കയ്യിൽനിന്നുമൊക്കെ അത്യാവശ്യഘട്ടങ്ങളിൽ പണം വായ്പ എടുക്കുകയും, പിന്നീട് അവ തിരിച്ചടക്കാൻ വൈകിയതിൻ്റെ പേരിൽ ആത്മഹത്യചെയ്യേണ്ടി വരികയും, നാടുവിട്ടുപോകേണ്ടിവരികയും മറ്റും ചെയ്യുന്നവരുടെ എണ്ണം കൂടിവരികയാണ്. ഒരിക്കൽ അവരുടെ കയ്യിൽ (കെണിയിൽ) പെട്ടുപോയാൽ ഊരിപ്പോരുക അത്ര എളുപ്പമല്ല. എടുത്ത ലോണും പലിശയും തിരിച്ചടച്ചുകഴിഞ്ഞാലും, പിഴയും, സർവ്വീസ് ചാർജും വേണമെന്നുപറഞ്ഞ് ഭീഷണിപ്പെടുത്തിക്കൊണ്ട് ഇക്കൂട്ടർ ശല്ല്യപ്പെടുത്തിക്കൊണ്ടിരിക്കും. ഇവരുടെ കയ്യിൽനിന്ന് രക്ഷപ്പെടുക അത്ര എളുപ്പമല്ല.

     ഇതുപോലെ മനുഷ്യനെ കുടുക്കാൻ ശ്രമിക്കുന്ന ചില കൈകളെക്കുറിച്ചുള്ള മുന്നറിയിപ്പ് പരിശുദ്ധാത്മാവ് തിരുവചനത്തിൽ രേഖപ്പെടുത്തിയിട്ടുണ്ട്, ആ കൈകളിൽനിന്നെല്ലാം തൻ്റെ മക്കളെ രക്ഷിക്കുവാൻ കർത്താവ് അവരുടെ വലത്തുഭാഗത്തുണ്ട്. ഉദാഹരണമായി ഒന്നുരണ്ട് സംഭവങ്ങൾ വേദപുസ്തകത്തിൽനിന്ന് ഞാൻ ഓർമ്മിപ്പിക്കാം;